Байдарка да каноэ дене иймаш вияҥеш

               Министерствыште байдарка да каноэ дене иймаш дене кылым кучышо спортсмен- влак дене министр Лидия Батюкова  вашлиймашым эртен. Марий Элыште спортын тиде видше 1991-ше ий годсек вияҥеш. Спортсмен- влак Россий да Тӱнямбал танасымашлаште сеҥышыш лектыт. Кодшо ийын тудо икымше гана республикыште спортын базовый видышкыже пурталтын. Марий Элын сулло тренерже Евгений Мещеряков республикыште тиде спортлан тӱҥалтышым 1990-шо ийыште ыштен да байдарка да каноэ дене иймаш федерацийым вуйлата. Кугу лектышыш шушо спортсмен- влаклан Артём Коровин ден Никита Ильичёв шотлалтыт. Артём республикын чапшым Тӱнямбал кӱкшытыштӧ арала. Российын спорт мастерже, Россий сборный командын еҥже улеш. Никита Республикысе сборныйын еҥже, спорт мастерыш кандидат. Лидия Александровна спортсмен- влак ден тренерыштым кӱкшӧ лектышышт дене саламлен да шарнымашан пӧлекым кучыктен. Тиде спортым республикыште умбакыже вияҥдыме нерген мутланеныт.
               Спорт-туризм министерствын фотожо.