Левештыше игече пашам ешарен
Йошкар-Олаште чот левештымылан кӧра коммунал озанлык пашаеҥ- влак тротуарым эрыкташ лектыныт. Рӱдӧ олаштына йолгорнын тичмаш кужытшо 615 тӱжем квадрат метрыш шуэш. Сандене калыклан лӱдыкшӧ ынже лий манын, чыла тиде кумдыкым обрабатыватлен шуктыман. Левештыше игече пашам ешарен. Молан манаш гын, тротуарыште ий чараҥын. Нуным тӱҥ шотышто йӱдым эрыктат, ий ден лумым машина корно гычат кораҥдат. Тымарте оласе урем корнылашке 147 тонн галит ден 793 тонн ошма ден шинчал вартышым шыжыктеныт.