Марий Тиште кече лишемеш

               Марий Тиште кече лишемеш. Тений тудым 8-ше гыч 10-шо декабрь марте палемдат. Марий Кугыжаныш университетыште 9-ше гана «Марла чын возена» диктантым возат. Акций онлайн да офлайн формат денат лиеш. 9-ше декабрьыште Васильев лӱмеш МарНИИЯЛИ-ште кызытсе лексикологийлан пӧлеклалтше шанче-практик конференций эрта. Яков Эшпай лӱмеш Марий кугыжаныш филармонийыште 10-шо декабрьыште марий тӱвыра форум лиеш. Тушто у поэзий книга, Марий йылме дене инноваций проект, уш-акыл марафон эрта. Мероприятий пайрем концерт дене мучашлалтеш. Марий Тиште кечым кажне ийын пайремлаш 1775-ше ийыште Озаҥысе архиепископ Пуцек-Григоровичын ямдылыме икымше марий грамматикын ужалымашке лекмыже амалым ыштен. Пайрем 1990-ше ий годсек палемдалтеш да Кугыжаныш кӱкшытым налын.