Марий радиомеханический техникумышто ныл мастерской почылтеш

                 Йошкар-Олаште ик техникум негызеш у мастерской- влакым почыт. «Туныктыш» калыкле проект почеш Марий радиомеханический техникумышто ныл мастерской почылтеш. Пӧлем- влакым ачалыме, кызытсе жаплан келшыше профессионал оборудованийым, мебельым вераҥдыме, 19 у пашаверым почмо. Тушечын 15-ше автоматизированный улеш. Материально-технический база кызытсе йодмаш да тӱҥямбал стандарт дене келшышын, промышленностьлан специалист- влакым ямдылаш йӧным пуа. Тӧнеж тиде пашалан Россий просвещений министерствын 48 миллион наре тенге грантшым федерал бюджет гыч, ныл миллион утлажым республикын казнаже гыч налын, миллионат пеле тенге наре шке оксажым кучылтын. Мастерской- влак «Промышленный механике да монтаж», «Программе дене виктарыше станоклаште токарь паша», «Тыгаяк станокышто фрезер паша» да «Инженер дизайн» компетенций дене пашам ыштат. Нуно тунеммаште гына огыл, а школышто тунемше, кугурак ийготан да пенсионер- влаклан, начар тазалыкан шамычлан, конкурс ден профессионал мастарлык чемпионатыш ушнышо- влаклан промышленный технологий дене ешартыш шинчымашым пуаш кучылталтыт. Мастерской- влакым таче торжественно почмо. Шушаш ийын эше 11 мастерской почылтшаш.
                    Фото:МариМедиа.