Йошкар-Олаште Изи Какшан эҥерым эрыкташ ямдылалтыт

                   Йошкар-Олаште Изи Какшан эҥерым эрыкташ ямдылалтыт. Проектын акше 43 утла миллион теҥгеш шуын. «Йошкар-Оласе Ширяйково микрорайон кундемыште Изи Какшан эҥерым эрыктымаш» проектым федерал бюджет гыч ойырымо окса кӱшеш 2020-шо ийыште ыштыме. Кызыт проект да смете документаций сай заключенийым налын. Эҥерым эрыктымаш кӱлешан паша. Молан манаш гын, тудо ола гоч йога, вӱдшым йӱашат, озанлык кӱлешлыкланат кучылтыт. Проект почеш кум гектарат пеле кумдыкым эрыктыман, приметр почеш кужытшо ик меҥгат 140 метрыш шуэш. Вӱд пундаш гыч йошкыным эрыктен лукташ палемдыме. Кызыт Росводресурсыш эрыктыме мероприятийым «Ойыртемалтше вӱд объектым арален кодымаш» федерал проектыш пурташ темлымашым колтымо. Эҥер пундашым 2023-шо гыч 2025-ше ий марте эрыкташ тӱҥалыт. Пӱтынь пашлан 43 миллион утла тенге окса кучылталтшаш. Тудо федерал бюджет гыч толшаш манын ӱшаным кучат.