Йошкар-Олаште 2023-шо ийыште Осипенко ден Подольскысо курсант- влак уремым олмыкташ тӱҥалыт

                  Йошкар-Олаште 2023-шо ийыште Осипенко ден Подольскысо курсант- влак уремым олмыкташ тӱҥалыт. Кызыт подряд организацийым ойырен налаш аукционым увертарыме. Осипенко уремын Йошкар Армий урем деч Пролетар урем марте, Подольскысо курсант- влак уремын Транспортный деч Анциферов урем марте ужашыжым олмыкташ палемдыме. Паша «Качестван лӱдыкшыдымӧ корно» калыкле проект кышкарыште шукталтшаш. Республикым вуйлатыше Александр Евстифеевын кӱштымыж почеш корным чоҥымаште кужу жаплан план ышталтеш. Сандене конкурс процедура кызытак эртаралтеш. Тидыже подрядчик- влаклан ончыгоч ямдылалташ йӧным пуа- кӱлеш мартериал ден техникым налаш, а инженер сетьын озаштлан нуным ончылгоч ачалаш жап лиеш. Мутлан, Йошкар-Оласе икымше номеран ТЭЦ-ын пашазыже- влак Чехов уремысе корно ужашыште теплосетьым олмыктеныт, а у асфальтым тушто шушаш ийын шарат. Кызыт Йошкар-Олаште шушаш ийлан палемдыме чыла корно шотышто контрактым ыштыме. Адакшым 2022-шо ийыште шуктышаш олмыктымо пашан ужашыжым тенияк ыштыме. Мутлан Машиностроитель дене Панфилов уремлам олмыктымо.