Тӱшка транспортышто тревожный кнопкым ыштат
Росгвардеец- влак тӱшка транспортышто тревожный кнопкым ыштат. Марий Элыште да Элысе моло кундемлаштат тӱшка транспортым шижтарыме кнопко дене пойдарыме паша уло куатын кая. Эксперт- влакын мутышт почеш тыгай мера осал пашам шагалемдаш полша. Статистике почеш тений элна мучко тӱшка транспорт гыч 348 тургыжландарыше увер пурен. Росгвардийын сотрудникше- влак 101 правонарушенийым кораҥденыт. Полиций пӧлкаш 62 еҥым конденыт. Ондак пассажир- влак транспортышто осалланыше- влакым сорлыклаш ӧрмалгат ыле гын, ынде уло кӧлан нуным пӱтырен кучаш. Марий Элысе Росгвардий виктемыште умылтарыме почеш кызыт тыгай кнопкым вераҥдыме паша умбакыже шуйна. Нуным вашке полыш автомобильлаштат вераҥдыме.