«Тӱвыра» проектым шыҥдарыме кумшо идалык мучашлалтеш

               Республикыштына «Тӱвыра» калыкле проектлан тений 565 миллион наре теҥге оксам ойырымо. Тыге «Тӱвыра» проектым шыҥдарыме кумшо идалык мучашлалтеш. Тиде шийвундо дене Марий Кугыжаныш филармонийым чоҥен шуктымо, Вечын, Марий Сола, Сотнур илемлаште тӱвыра пӧрт- влакым олмыктымо. Куженер, Морко, Советский, Юрино районлаште ныл йоча сымыктыш школым тӱзландарыме. Тиддеч посна шым муниципал образованийлан автоклубым налме. Эрик Сапаев лӱмеш театр виртуал концерт заллан оборудованийым налын. Россий Президентын резерв фондшо гыч ойырымо 25  миллион теҥге окса дене Звенигово, Медведево, Морко районлаште да Йошкар-Олаште модельный книгагудым ыштыме. Федерал институтла негызеш 266 тӱвыра пашаеҥ тений квалификацийжым нӧлтен. Тӱвыра министерстве палемден: «Тӱвыра» калыкле проектым тений шындараш ойырымо оксам тичмаш кучылтмо.