19 гана ужалаш тӧчымӧ кинотеатрым ужалыме
Йошкар-Оласе «Россия» кинотеатрым ужалыме. Тудо 2016-шо ий годсек яра шоген, ынде озаже уло. Тудым 19 гана аукцион гоч ужалаш тӧчымӧ, кажне гана тудо эртен кертын огыл. Кинотеатрым «Марагрострой» иземдыме ответственностян ушем налын. Кокымшо претендентше «Порт» ушем лийын. Аукционышто налше организацийлан тиде зданий 42 миллионат 237 тӱжем утла теҥгеш логалын. Сделкын тӱҥ условийжылан теве мо шотлалтеш: вич ий жапыште тушто кинотеатрак лийшаш.