Президентын кугу пресс-конференцийже тений 23-шо декабрьыште лиеш
Президентын кугу пресс-конференцийже тений 23-шо декабрьыште лиеш,- увертарен брифингыште Кугыжанышым Вуйлатышын пресс-секретарьже Дмитрий Песков. Ковид ваштареш виктаралтше чарымаш- влаклан кӧра пресса дечын еҥ- влакын чотыштым 500 еҥ марте шагалемдыме лиеш. Молгунамсе семынак. Владимир Путин журналист- влак деке толеш. Нуно йодышым пуэдат, а вуйлатыше вашешта,- каласен Песков. Тӱнямбал торговля рӱдер олмеш мероприятий Манежыште эрта. Коронавируслан кӧра эрыкан аккредитаций ок лий. Администрацийын еҥже- влак регионла да йот элла гыч журналист- влакым шке ӱжыт. Участник- влак ПЦР тестым ыштышаш улыт.