Кугыжаныш Погынын бюджет сессийже пашам ыштен

           Таче Марий Элым вуйлатыше Александр Евстифеев Марий Эл Кугыжаныш Погынын 22-шо бюджет сессийыштыже участвоватлен. Тушто тыгак сенатор- влак Константин Косачёв ден Сергей Мартынов лийыныт. Каҥашыме ик тӱҥ йодыш «2022-шо да план почеш 2023-шо 2024-ше ийлан республикын бюджетше нерген» законым каҥашымаш лийын. Депутат- влак ончыкылык кум ийлан республикын бюджетшым приниматленыт да республикым социал-экономик велым вияҥдыме прогнозым пеҥгыдемденыт.
            Александр Евстифеев документын проектше дене пашам ыштыше- влаклан тауштен да закон ӱшанлын лектын манын. Документ дефицитдыме лийын, социал корныжым арален коден. Тӱҥ приоритет- влак: туныктымо паша, тазалыкаралтыш, корно паша да ял озанлык. Шушаш ийлан республикын парышыжым 44 миллиардат 300 миллион теҥгем палемдыме, 23-шо да 24-ше ийлан 42 да 47 миллиардым. Шушаш ийлан республикын бюджетше дефицитдыме лиеш.