У Торъялыште «Купеч илыш» ончер почылтын

                   У Торъялысе краеведений тоштерыште «Купеч илыш» ончер почылтын. Тудо оласе кумдык, эмлыме вер, школ, интернат да училище верч тургыжланыше купеч- амалкалче- влак нерген каласкала. Нуно ужалкалыме да промышленный пашам гына огыл, поро кумыл сомылымат шуктеныт. Ямдылыше- влакын мутышт почеш, ончер нерген шонымаш Нолинск олаш экспедиций дене мийымышт годым шочын. Элембай ялысе Андрей Критскийын 110 ийым темыше храмжын историйжым шымлыме годым, чолга еҥ- влак купечын шочмо кундемышкыже каеныт. Мут толмашеш, храмым тудын оксаже кӱшеш чоҥымо. Тушто лийме годым У Торъял районысо купеч- влак нерген уверым погаш шонымашышт шочын. Экспозицийым Россий империйым ыштымылан 300 ий теммылан да Пётр Первыйын шочмыжлан 350 ий теммылан пӧлекленыт. Ончерыште Рощин, Шустов, Маландин купеч- влак нерген каласкалат. Ынде тушко У ий шӱлышым пурташ да тунемше- влаклан пайремын шочмыжо нерген каласкалаш шонат.
                Фото: Марийская правда.

Прошлые выпуски