Йошкар-Олаште Александр Хохряковым шарныме лӱмеш турнир тӱҥалын

                Йошкар-Олаште арбитр Александр Хохряковым шарныме лӱмеш турнир тӱҥалын. Тушко Юл кундем округ гыч лу регионын командышт ушнен. ФИФА-н арбитрже, марий футболын легендыже Александр Хохряков лӱмеш поро йӱлаш савырныше турнир «Марий Эл» Арена» манежыште 3-шо ден 4-ше декабрьыште эрта. Ужар газоныш Марий Элын, Мордовийын, Угарман, Саратов, Пенза областьлан, Чуваший, Татарстан, Удмуртий, Самара да Ульяновск областьлан командышт лектыт. Турнир кышкарыштак «Приволжье» футбол ушемын совещанийже эрта, тенийсе тургымын лектышыже почеш вич эн сай судьям да кум эн сай инспекторым палемдат. Эрла модмаш- влак 11 шагат гыч тӱҥалыт.
                   Фото: Марийская правда.