Уремыште илыше- влаклан ырыктыме вер

            Йошкар-Олаште тачысе кече гыч сурт деч посна кодшо- влаклан ырыме вер почылтеш,- увертара социал вияҥмаш министерстве. Сурт-печыдыме- влаклан поснак телым илен лекташ пеш неле. Сандене рӱдӧ олаштына тыгай еҥ- влаклан полышым пуымо рӱдерым почмо лиеш. Тудо тачысе кече гыч икымше май марте пашам ышта. Рӱдер  Фестиваль уремысе 75-ше пӧртыштӧ лиеш. Телефонжо: 46-55-44. Тудо 19 шагат кас гыч 6 шагат эр марте пашам ышта. Тушко лач орвуян гына мийыман Мален лекташ, чайым йӱаш, кӱлеш лийме годым теле вургемымат налаш лиеш. Специалист- влак социал полыш, документлам уэш ыштыме шотышто умылтарымашым пуат.