Москош шушаш ийын самолёт- влак чӱчкыдынрак чоҥештылаш тӱҥалыт

               Йошкар-Ола гыч Москош шушаш ийын самолёт- влак чӱчкыдынрак, арняш ныл гана чоҥештылаш тӱҥалыт, кызыт кум гана. Шушаш ийын январь гыч Йошкар-Ола гыч «Внуково» аэропортыш вӱргечын, кугарнян да рушарнян гына огыл, ынде кушкыжмынат каяш лиеш. Рейсым «Руслайн» авиакомпаний 50 веран самолёт- влак дене шукта. Билетын акше кум тӱжемат 840 теҥге гыч тӱҥалеш.