А.Евстифеев: «Окса муниципалтетлаште илыше- влакын интересыштлан колталтеш. Сандене тиде шийвундым шонен, ончыко ужын, ӱшанлын кучылтман»
Таче Марий Элым вуйлатыше Александр Евстифеев Республикысе Правительствын еҥже- влак дене федерал да республикын бюджетысе оксам кучылтмо йодыш дене совещанийым эртарен. Финанс министерствын ончыктымыж почеш, тенийлан республикын бюджетшым 46 миллиардат 900 миллион теҥгем пеҥгыдемдыме. Муниципал образований- влаклан полшаш дотацийым 861 миллион теҥгем пыштыме. Тачысе кечылан 758 миллоным тӱлымӧ але 88 процентшым. Окса муниципалтетлаште илыше- влакын интересыштлан колталтеш. Сандене тиде шийвундым шонен, ончыко ужын, ӱшанлын кучылтман. Муниципал образованийлам вуйлатыше- влак «тиде объект правительствын контрольыштыжо, оксам садак пуат» манме шонымаш дене илышаш огытыл. Тыге ок лий. Пашам чаткан да ответственно ыштыман,- палемден Марий Элым вуйлатыше. Александр Евстифеев палемен: шушаш ийынат муниципал образований- влак шке жапыштыже конкурс процедуро- влакым эртарышаш, объектлаште шуктымо пашан качествыжым терген шогышаш улыт.
