Марий Элыште автобус чарналтыш- влакым пӱтынек уэмдаш тӱҥалыт

            Марий Элыште автобус чарналтыш- влакым пӱтынек уэмдаш тӱҥалыт. «Качестван лӱдыкшыдымӧ корно- влак» калыкле проект кышкарыште корным олмыктымлан гына огыл, транспорт инфраструктурыланат тӱткыш ойыралтеш. Мутлан, тений «2025-ше ий марте корно озанлыкым вияҥдымаш» республикысе кугыжаныш программе кышкарыште 13 автобус чарналтышым вераҥдыме. Паша автопавильоным вашталтыме дене гына огыл кылдалтын, шичме верым, машина чарныме верымат йӧнештарат. Шушаш ийын Марий Шолнер, Кучки, Мари Сеснур, Обипамаш, Митькан, Кугу Велыж, Кугу Кожвож, Кожвожмучаш, Кӱшыл да Ӱлыл Памъял, Поянсола, Нурдамучаш, Нужъял  ялла воктене чарналтыш- влак лийшаш улыт.