Александр Евстифеев Ирек Файзуллинын эртарыме совещанийыштыже участвоватлен
Александр Евстифеев Россий Федерацийын чоҥымаш, илыме вер да коммунал озанлык министрже Ирек Файзуллинын эртарыме совещанийыштыже участвоватлен. Вашлиймашыште тенийсе идалыкын лектышыжым иктешлыме, «Элысе калыклан йӧнан илыме верым да коммунал полышым ситарымаш» кугыжаныш программын посна мероприятийже- влакым шушаш ийын шуктышаш план- влакым каҥашыме. Тений республикым вияҥдыме идивидуал программе кышкарыште Советский посёлкысо Северный микрорайонышто, Изи да Кугу Ашламаш яллаште вӱдым ситарыме, Звениговышто канализаций насос станцийыште, коллекторлаште пашам шуктымо. Тиддеч посна «Чодыра йомак» комплексыште, Волжскышто, Звениговышто коммунал инфраструктура объектлаште, Моркышто, Шулка селаште да Михайловка ялыште пашам ыштыме. «Яндар вӱд» проект кышкарыште йӱшаш вӱдым ситарыме шотышто кум объектым чоҥаш палемдыме ыле. Кокытшым шуктымо. Тиде- Медведево районышто икмыняр ялын вӱд системыжым оҥго семын ушымо, У Торъялыште вӱдым пушкыдемдыме станцийым чоҥымо, Приволжский посёлкышто вӱдым ситарыме сетьым оҥго семын ушымаш шушаш ийын шукталташ тӱналеш. Вес ийланат ятыр пашам шукташ палемдыме.