Константин Косачёв энергетике компанийын еҥышт дене вашлийын

Константин Косачёв энергетике компанийын еҥышт дене вашлийын
               Федераций Советым вуйлатышын алмаштышыже Константин Косачёв энергетике компанийын еҥышт дене вашлийын. Федерал Погынымашын Федераций Советшым вуйлатыше Валентина Матвиенкон кӱштымыж почеш Марий Элысе промышленность, экономически вияҥмаш да торговля министерствыште Марий Эл деч сенатор Константин Косачёв ден промышленность министр Станислав Крылов республикысе энергетик компанийлан еҥышт дене совещанийым эртареныт. Вашлиймашыште 2018-ше ий 27-ше декабрьысе федерал законым шыҥдарыме йодыш каҥашалтын. Закон дене келшышын 2020-шо ий икымше июль гыч электроэнергийым шотлышо приборым яра  шындыме да обслуживатлыме сомыл энергетик компаний- влак деке куснен. Энергокомпаний- влакын проблеман чыла йодышыштым ончен лекме, каҥашыме, ончыкылык пашам палемдыме, тидын радамыштак энергийым аныклыме шотышто законодательствым уэмдыме нергенат. Вашлиймаш мучашыште Константин Косачёв ден энергетик компаний- влакын еҥышт ончыкылык вашкыл, субъект- влакын энергетикын пашаштышт да республикысе калыкын права ден законло интересыштым аралыме йодышым пырля каҥашыме нерген мутланеныт.

Прошлые выпуски