Марий Эл гыч спортсменка тайский бокс дене Тӱнян чемпионатыштыже таҥаса

              Тӱнян Чемпионатыштыже Марий Эл гыч спортсменка Швеций гыч ӱдырым сеҥен. Татьяна Петрова тайский бокс дене Российын сборный командышкыже пурен. 4-ше гыч 12-шо декабрь марте элнан сборный командыже тайский бокс дене Тӱнян Чемпионат ден первенствыштыже кучедалеш. Таҥасымаш Пхукетыште (Тайланд королевствыште) эрта. Теҥгече мемнан спортсменке икымше кучедалмашым эртарен да Швеций гыч боксёрым сеҥен. Ушештарена: Татьяна тений апрельыште Кемеровышто тайский бокс дене Российын Чемпионатыштыже 48 килограмм марте нелытан- влак коклаште икымше гана сеҥышыш лектын. Тудо Россий кӱкшытан таҥасымашлаште ятыр гана сеҥыше да призёр лийын, Российын кубкыштыжо ныл гана сеҥен. Европын чемпионатыштыже ший да той призёр лийын.  Тудын тренерже- Андрей Собко.
               Фотом спорт-туризм министерствын сайтше гыч налме.