Ӱштӧ дене кӧрэш кучедалмаш дене Российын Чемпионатшым иктешлыме
Ӱштӧ дене кӧрэш кучедалмаш дене Российын Чемпионатшым иктешлыме. Кодшо кечылаште Озаҥыште Юл кундемысе физический культура, спорт да туризм кугыжаныш университетыште кӧрэш кучедалмаш дене Россий Чемпионатше эртен. Таҥасымашке элысе 31 кундем гыч 140 утла кучедалше погынен. Спортсмен- влак нелыт шот дене 60 гыч тӱҥалын 130 килограмм марте 10 нелыт категорийыште кучедалыныт. Мемнан республике гыч «Олимпий резерв комплексный спорт школ» гыч спортсмен- влак миеныт. Нуно кок той медальым конденыт. Мунир Галлямов 75 килограмм марте нелытан- влак коклаште, Иван Андреев 65 килограмм марте нелытан- влак коклаште кумшо верым сеҥен налыныт. Тренерышт Ильдус Гарипов кӧрэшым вияҥдымашке надырым пыштымыжлан Российысе кӧрэш федерацийын тауштымашан серышыже дене палемдалтын.