Йошкар-Ола агломерацийыште 11 меҥге утла корным олмыктымаш вуча
Шушаш ийын Йошкар-Ола агломерацийыште 11 меҥге утла корным олмыктымаш вуча. Паша «Качестван лӱдыкшыдымӧ корно» калыкле проект кышкарыште шукталтеш. Республикын транспорт да корно озанлык министрже Александр Герасименко калыкле проект почеш корным олмыктымаште тыршыше подряд организацийлан еҥышт дене пашаче совещанийым эртарен. Тудо пашазе- влаклан таум каласен да палемден: республике ончылно шындыме чыла цель ден задачым шуктымо, планым кум ий почела эртарен темыме. Совещанийыште шушаш ийлан планым каҥашыме. Республике кӱкшытан 208 меҥге корным да агломерацийысе 11 меҥгат 550 метр корным ачалаш контрактым пеҥгыдемдыме. Мемнан задачына: чыла палемдыме цельыш шушаш да олмыктымо пашам вашкерак тӱҥалаш мо кӱлешым ончылгоч ямдылышаш улына.- палемден Герасименко. Калыкле проект почеш агломерацийысе 85 процент автомобиль корным да регион кӱкшытан 45 процент корным норматив марте шуктыман.