Российын правительствыже Марий Эллан корным чоҥаш да тазалыкаралтыш системылан полшаш оксам ойырен

            Российын правительствыже Марий Эллан корным чоҥаш да олмыкташ 400 миллион теҥгем ойырен. Россий Правительствым вуйлатыше Михаил Мишустин элысе 23 субъектлан да Марий Элланат кум миллиард теҥге оксам ойырымо нерген распоряжениеш кидпалыжым пыштен. Документым 3-шо декабрьыште пеҥгыдемдыме, а кокымшо декабрьыште Россий правительствын еҥже- влак тудым ончен лектыныт да сайлан шотленыт. Ойырымо оксан тӱшка кугытшо гыч 400 миллион теҥгеже Марий Эллан колталтеш. Тудо шийвундо «Качестван лӱдыкшыдымо корно» калыкле проект кышкарыште автомобиль корным чоҥаш да олмыкташ кучылталтшаш.
             А республикысе тазалыкралтыш системылан полшаш Россий правительствын резерв фондшо гыч 468 миллион утла теҥге колталтеш. Михаил Мишустинын распоряженийже почеш регион- влак коклаште 89 миллиард теҥгем шеледыме лиеш. Тиде окса калыклан яра медицина полышым пуымо дене кылдалтше роскотым петыраш кучылталтшаш.