«Комендант шагатым» пудыртышо 25 еҥым кученыт
Йошкар-Олаште «комендант шагатым» пудыртышо 25 еҥым кученыт. Кодшо каныш кечылаште рӱдӧ олаштына «Ийготыш шудымо – йӱд» рейд эртен. Тудын кышкарыште ача –ава деч посна коштшо 25 ӱдыр-рвезым рашемдыме. Нунын кокла гыч 17-шым полицийын дежурный частлашкыже кондымо, иктыжым калыкым социал аралыме органыш колтымо. Рейдыште полицийын 87 сотрудникше да профилактике системын 27 еҥже лийын. Нуно самырык- влакын йӧратыме ужалкалыме рӱдер, кинотеатр, кафе, клуб да кальянныйлашке миеныт. Ушештарена: республикыштына «комендант шагат» 22 гыч 6 шагат эр марте шотлалтеш. Тиде жапыште ийготыш шудымо- влак кугыеҥ деч посна коштын огыт керт.