«Педагогический дебют» республике кӱкшытан конкурсышто сеҥыше- влакын лӱмыштым увертарыме

              Марий Элыштына «Педагогический дебют» республике кӱкшытан конкурсышто сеҥыше- влакын лӱмыштым увертарыме. «Самырык туныктышо- влак» номинацийыште Йошкар-Оласе Пушкин лӱмеш 4-ше номеран Гимназийыште руш йылме ден сылнымутым туныктышо Екатерина Матвеева  сеҥышыш лектын. «Йоча садлан самырык воспитательышт» номинацийыште эн сайлан Козьмодемьянск оласе кокымшо номеран «Шӧртньӧ кол» йоча садын воспитательже Альбина Киселёвам шотлымо. «Туныктышо-наставник» номинацийыште Алексеевский кыдалаш школ директорын шуарыме паша дене алмаштышыже Григорий Глушков ончыко лектын. Ушештарена: кызыт Москваште Россий кӱкшытан тиде конкурсын финал мероприятийже- влак эртат. Марий Эл гыч тушто Медведевысе кокымшо школ гыч математикым да информатикым туныктышо, кодшо ийын республикыште сеҥышыш лекше Николай Сморкалов таҥаса. Конкурсым теҥгече иктешлыме.