«Пушкин карте» дене 15 тӱжемат 300 утла билетым ужалыме

               Республикыштына кылме тылзын «Пушкин карте» дене шым тӱжемат 200 утла билетым налме. Программын тӱҥалмыж годсек кундемысе тӱвыра тӧнежлашке 15 тӱжемат 300 утла билетым ужалыме. Эн шуко билетым Эрик Сапаев лӱмеш опера да балет кугыжаныш академический театр ужален- вич тӱжем утлам. Шкетан театрыш тӱжемат 600 билетым налыныт, Руш театрыш - тӱжемат 400 билетым. Тӱвыра министерстве пеленысе эксперт совет федерал программыш ушнаш 280 мероприятийым сайлан шотлен. Нуно республикысе да муниципал 40 тӧнежыште эртаралтыт. Картышке тенийлан пыштыме 3 тӱжем теҥге оксам декабрь мучаш марте кучылт пытарыман, а шушаш ийлан январьыште вич тӱжем теҥгем кугыжаныш пышта.