Ийготыш шудымо рвезылан медальым кучыктымо

                   Республикыштына ийготыш шудымо рвезылан вӱдыш пурен кайышым утарымыжлан  Российысе Следствий Комитетын «Кӱкшӧ гражданственностьлан» медальжым кучыктымо. Марий Элысе следствий виктемым вуйлатышын сомылжым шуктышо Александр Завойских 14 ияш Артём Макаровлан медальым оҥешыже пижыктен. Тений июньышто Артём йолташыже- влак дене Медведево районысо Митиксола ял воктене пӱяште каненыт. Касвелеш мӧнгыш кайышаш годым ӱдыр- влак куржын толыныт да рвезе вӱд йымак кая манын полшаш ӱжыныт. Артём вигак вӱдыш тӧрштен. Вӱд йымалне тарванылде кийыше иктаж 15 ияш рвезым муын. Тыге тудым ныл метр келгыт гыч нӧлталын серыш луктын. Йолташыже- влак дене полышым пуэныт. Тыге рвезе шӱлалтен колтен. Российысе следствий комитетым вуйлатыше- влак тиде поступкым кӱкшын акленыт да ведомствын медальжым пуаш ыштеныт.