Республикыштына студент хоккей лигым ышташ шонат

                Республикыштына студент хоккей лигым ышташ шонат. Студент хоккейым вияҥдыме йодышым кӱшыл да кыдалаш профессионал образованийым вуйлатыше- влак дене эртарыме совещанийыште каҥашеныт. Тений хоккей дене студент командым ыштымаш сай ошкыллан шотлалтеш. Тудо икымше гана Озаҥ олаште полпредын кубокшо верч любитель команде- влак коклаште таҥасен да 12 команде гыч 5-ше верым сеҥен налын. Командым арален кодаш пунчалме. Республикысе спорт-туризм министерстве ямдылалташ Ий полатыште жапым ойыраш ямде улеш. Министр Лидия Батюкован мутшо почеш, хоккей команде- влак кыдалаш да кӱшыл тунемме тӧнежлаште шочыт гын, сай лиеш ыле. Вара «Республикысе хоккей федераций» полшымо дене ушаш да республикын студент хоккей лигыжым ышташ лие ыле, манын.
                 Фото: "ВНД" газет.