Йошкар-Олаште икымше гана «Ош пеледыш» поро кумыл акций эрта

                 Йошкар-Олаште икымше гана «Ош пеледыш» поро кумыл акций эрта. Тудо оласе калыкым поро кумылым ончыктышо пашаш ушаш да эмлымашым вучышо йоча- влаклан шийвундым погаш манын эртаралтеш. Тиде акций 19-ше курым мучашыштак император Николай второйын тӱҥалтышыж почеш шочын. Тунам туберкулёз эпидемий ваштареш кучедалаш оксам погеныт. Оксам пуышо кажне еҥлан  кугыжан ешыже да доброволец- влакын шке кидышт дене ыштыме Ош пеледышым кучыктеныт. Тиде йӱла таче мартеат аралалт кодын, 2005-ше ий гыч ятыр олаште эрта, Йошкар-Олаште икымше гана лиеш. Акций кышкарыште милосердий урок- влак эртат. Тыгай уроклаште йоча- влак кагаз гыч ош пеледыш- влакым ямдыленыт да волонтёр- влаклан ужалкалыме рӱдер дене оласе тӧнежлаште шаркалаш пуэныт. А погынышо оксам нелын черланыше йоча- влакым эмлаш да кӱлеш оборудованийым налаш колтат.