Куштышо коллективым вуйлатыше тӱнямбал кукшытан премийым налын

                Республике гыч куштышо коллективым вуйлатыше тӱнямбал кукшытан премийым налын. Бальный куштымашын «Дебют» образцовый ансамбльжым вуйлатыше Анна Соколова кажне ийын эртарыме «Артис-2021» Тӱнямбал премийын ик номинацийыштыже сеҥышыш лектын. Премийым усталык пашаште кугу сеҥымашыш шумылан пуат. Тудым «Йоҥгалтше кидшол» куштымо проектшылан тенийсе эн сай куштызо семын палемденыт. Торжественный мероприятий Санкт-Петербургышто Самырык- влак пӧртыштӧ эртен. Тушто Российысе 70 ола да Казахстан гыч тӱжемат 700 номинант лийын. Жюри радамыш кумдан палыме куштызо, хореограф, балетмейстер- влак пуреныт.