Республикысе кокла пашадар 33 тӱжемат 560 теҥге лийын

            Республикысе организацийлаште пашам ыштыше- влакын тений январь гыч сентябрь марте тылзаш кокла пашадарышт 33 тӱжемат 560 теҥгеш шуын. Тидын нерген Маристат ончыкта. Кодшо ийысе тыгаяк жап дене таҥастарымаште пашадарышт 7,6 процентлан ешаралтын. А посна сентябрьым гына налаш гын, 34 тӱжемат 40 теҥге лийын. Кодшо ийысе сентябрь деч 8 процентлан кугемын. Но пашам шотыш налын, пашадар ойыртемалтеш. Сентябрьыште эн кугу пашадарым финанс да страховой пашаште тыршыше- влак налыныт- республикысе кокла пашадар деч 1,4 гана шукырак. Эн изи парыш унагудо ден тӱшкан кочмо предприятийлаште тыршыше- влакын лийын- кокла кугыт деч иктат пеле гана шагалрак.