Марий Элыште ыштыме «Поликлиникылан ушан расписанийышт» сервисым Коммунаркыште кучылташ шонат
Марий Элыште ыштыме «Поликлиникылан ушан расписанийышт» сервисым Коммунаркыште кучылташ шонат. Тиде цифран проектым мемнан республике гыч Ай-ти специалист Сергей Якунин ыштен. У технологийым республикысе медицина тӧнежлаште пайдалын кучылтыт. Сергей Якунин Коммунаркыш- Москосо ВДНХ деч тораште огыл верланыше Оласе 40-ше номеран клинический эмлыме верыш миен. Тушто ковид дене черланыше- влакым эмлат, идалык еда 300 тӱжем пациентым обслуживатлат. Ай-Ти специалист тушко эмлыме верын тӱҥ врачше Денис Проценкон ӱжмыж почеш опыт дене палдараш миен. Тӱҥ врач землякнан разработкыжым кӱкшын аклен да сервисын ужашыже Москосо 40-ше номеран эмлыме верыште кучылталташ тӱҥалеш манын. Ончыкыжымат вашкылым кучен шогымо нерген кутырен келшеныт.