Марий Элым вуйлатыше Александр Евстифеев Йошкар-Олаште Воин Чап монумент да Курымашлык тул воктеке пеледыш аршашым пыштен

              Таче Российыште Ачамландын Геройжо- влакын кечыштым палемдыме кышкарыште Марий Элым вуйлатыше Александр Евстифеев Йошкар-Олаште Воин Чап монумент да Курымашлык тул воктеке пеледыш аршашым пыштен. Тудо палемден: тиде пайрем геройло кугурак тукымым шарнымаш гына огыл, кызытсе Совет Ушемын Геройжо, Россий Федерацийын Геройжо- влакым чапландарымаш. Шарнымашан дата самырык тукымын шочмо эллан уло чон дене служитлаш шонымашыжым вияҥдаш полшышаш. Марий Элыште Ачамландын 100 Геройжо шочын але илен: Совет Ушемын 53 Геройжо- 22-шо Кугу сар годым вуйжым пыштен, 31-ыже сай деч вара ӱмыр лугыч лийын, Россий Федерацийын 5 Геройжо- кокытшылан колымышт деч вара пуымо, кумытшо моло кундемлаште илат, 14 еҥ Слава орденын Тичмаш кавалерже улыт, 28 еҥ Социалистический пашан Геройжо, ик еҥ Паша Чап орденын кум степеньжынат кавалерже улеш. Кызыт Марий Элыште Социалистический Пашан ик Геройжо да Отечествын Геройжо- влакын ешышыт гыч 41 еҥ ила. 
          А Марий Эл Кугыжаныш Погыным вуйлатыше Анатолий Смирнов тыге каласен:    Россий тидын денак ойыртемалтеш: ме герой- влак нерген шарнымашым аралена да тудым вияҥден толына. Эртыме корным от акле да от пагале гын, ончыкылык лийын ок керт. Сандене таче мемнан тӱҥ задачына- мемнан кугурак тукымнан Элнам, Кугу Российнам Чапландарымашке пыштыме Отечество ончылно надырыштым самырык тукымлан пуышаш улына.