Икмыняр проект дене Марий Эл Российысе лу эн сай регион радамыш пура
Вигак икмыняр проект дене Марий Эл Российысе лу эн сай регион радамыш пура. Республике «Юл эҥерым тазаҥдымаш» проектым шыҥдарыме дене кум ончыл регион коклаште, «Ару вӱд» проект дене шымше верыште улеш. Корным чоҥымо паша денат икмыняр ий ӱшанлын ончылно кая. Кызыт субъект- влак коклаште 8-ше верыште улеш. Корным чоҥымо дене шумо сеҥымаш нерген таче Правительство комиссий Президиумын заседанийыштыже ойлымо. Тудым Правительстве председательын алаштышыже Марат Хуснуллин эртарен, вашлиймашыште вице-премьер Дмитрий Чернышенко лийын. Заседанийыште Александр Евстифеев участвоватлен. Марий Элыште тенийлан палемдыме корно паша мучашлалтын, шушаш ийлан объект- влак почеш контрактым ыштыме. 2023-шо ийлан 34 гыч 30 объектше дене контаркт пеҥгыдемдалтын. Йошкар-Олаште магистраль корно умбакыже чоҥалтеш. Заседанийыште наука ден технологийым вияҥдыме шотышто Юл кундем округысо проект- влакымат каҥашыме. Россий Федерацийым вияҥдыме калыкле цельыш шуаш фронтальный стратегийым ямдылыме. Республикыште шым прорывной проектым палемдыме. Нуно чыланат регионым вияҥдаш да калыкын илышыжым саемдаш виктаралтыныт.