Таче Марий Элым вуйлатыше Йошкар-Олаште у Перинатал рӱдерлан приёмкым эртарен

           Таче Марий Элым вуйлатыше Александр Евстифеев Йошкар-Олаште Перинатал рӱдерын чоҥен пытарыме зданийжым ончен лектын да пашалан приёмкым эртарен. У перинатал рӱдер- мучашыш лишемше ийын ик эн кӱлешан событийже. Тушто республикысе 80 процент аза шочеш. Александр Евстифеев палемден: кызытсе жаплан келшыше перинатал рӱдерын укелышке республикылан пеш начар ыле, но ынде тӱшка вий дене тиде йодышым коранден кертме. Волжскышто азам ыштыме пӧлкам чоҥен пытарымеке, республикыште мӱшкыран улмо жап да йочан шочмыжо дене кылдалтше йодыш тӱрысынек решатлалтеш. У рӱдер теле мучашыште пашам ышташ тӱҥалшаш. Тӱҥжӧ- азам ыштыме пӧлкалашке коронавирусым пурташ огыл. Пандемий дене кучедалаш да у перинатал рӱдерыште полшаш самырык специалист- влакым ушаш кӱлеш, манын республикым вуйлатыше. Ӱжса самырык- влакым. Тений республикыштына 81 врачым пашаш налме. Тиде тазалыкаралтыш министерствын сайын шонен ыштыме кадр политикыже. Тудым умбакыжат шуяш кӱлеш,- каласен Александр Евстифеев.