Сергей Мартынов Марий Эл гыч школышто тунемшын шонымашыжым шуктен

                 Сергей Мартынов Марий Эл гыч школышто тунемшын шонымашыжым шуктен. Мемнан элыште пайрем вашеш «Кумылым шуктышо кож» поро кумыл акцийым эртарымаш сай йӱлаш савырнен. Тыге йочан кужун шонен коштмыжым шукташ да куаным пӧлеклаш лиеш. Сенатор Сергей Мартынов Марий Эл гыч тунемше Кирилл Ивановын шонымыжым шуктен да Йӱштӧ Кугыза деч ноутбукым кучыктен. Кириллын аважын ойлымыж почеш, эргыже программированийым йӧрата да специальный курсышто тунемеш, сандене тудлан ноутбук кугу полышым пуа. А Кириллын 6 ияш Аня шӱжаржылан сенатор коньким кучыктен.