У Торъялыште ФОК-ым чоҥен пытарыме лиеш, а Алексеевский посёлкышто шым уремыште волгалтарыме системым уэмдат
У Торъялыште ФОК-ым чоҥен пытарыме лиеш, а Алексеевский посёлкышто шым уремыште волгалтарыме системым уэмдат. Спорт, туризмым вияҥдыме, оласе инфраструктура да илыме вер ден коммунал озанлыкым уэмдыме йодыш- влакым Республикым вуйлатышын калыклан эртарыме приёмыштыжо каҥашыме. Экскурсовод Ирина Юдина палемден: рӱдолана турист- влакым шупшын шога, но Сеҥымаш бульварысе тошто пӧрт- влак олан тӱсшым шӱлыкаҥдат. Олан мэрже палемден: тудо кундемыште 13 пӧртым аварийныйлан шотлымо да нуным кораҥдыме лиеш. 2023-шо ийыште тушеч калыкым кусарен пытарышаш улыт.
У Торъялысе ешартыш шинчымашым пуышо рӱдерын тренерже физкультура да тазалыкым пеҥгыдемдыме комплексым чоҥен пытарыме жап нерген йодын. Кызыт йоча ден самырык- влаклан шуаралташ вер уке, ятырже Советский посёлкыш кудалытеш, манын. Спорт-туризм министр Лидия Батюкован мутшо почеш объектым 2011-ше ийыште чоҥаш тӱҥалме, но 2016-шо ийыште объектым петырыме. Кызыт у проект да смете документацийым ямдылыме, калыкле проектыш пуртымо. Шушаш идалык мучаш марте объектым чоҥен пытарат. 2023-шо ий тӱҥалтышыште ФОК-ым пашаш колташ палемдыме.
Советский районысо Алексеевский посёлко гыч Светлана Ружейникова уремлам начарын волгалтарыме нерген вуйым шийын. Чоҥымаш, архитектура, илыме вер да коммунал озанлык министр Михаил Степанов умылтарен: проект да смета документацийым ямдылыме, экспертиза сай заключенийым пуэн. «Россети Центр и Приволжье» ПАО дене контрактым ыштыме. Александр Евстифеев уремла деч посна йоча сад кундемым волгалтараш да пашам шушаш ийын август мучашлан пытараш кӱштен.
У Торъялысе ешартыш шинчымашым пуышо рӱдерын тренерже физкультура да тазалыкым пеҥгыдемдыме комплексым чоҥен пытарыме жап нерген йодын. Кызыт йоча ден самырык- влаклан шуаралташ вер уке, ятырже Советский посёлкыш кудалытеш, манын. Спорт-туризм министр Лидия Батюкован мутшо почеш объектым 2011-ше ийыште чоҥаш тӱҥалме, но 2016-шо ийыште объектым петырыме. Кызыт у проект да смете документацийым ямдылыме, калыкле проектыш пуртымо. Шушаш идалык мучаш марте объектым чоҥен пытарат. 2023-шо ий тӱҥалтышыште ФОК-ым пашаш колташ палемдыме.
Советский районысо Алексеевский посёлко гыч Светлана Ружейникова уремлам начарын волгалтарыме нерген вуйым шийын. Чоҥымаш, архитектура, илыме вер да коммунал озанлык министр Михаил Степанов умылтарен: проект да смета документацийым ямдылыме, экспертиза сай заключенийым пуэн. «Россети Центр и Приволжье» ПАО дене контрактым ыштыме. Александр Евстифеев уремла деч посна йоча сад кундемым волгалтараш да пашам шушаш ийын август мучашлан пытараш кӱштен.