Йошкар-Олан бюджетшым приниматлыме

              Йошкар-Ола администрацийыште оласе погынымашын заседанийыштыже шушаш ийлан Йошкар-Олан бюджетшым приниматлыме. Документ дене келшышын, шушаш ийын бюджетын кугытшым 6 миллиардат 105 миллион теҥге утлам пеҥгыдедыме. Политик- влак бюджет оксам кучылтын ыштышаш тӱҥ паша- влакым палемденыт. Нунын коклаште ончылно Киров ден Строитель уремлам ушен шогышо магистральым, у школым чоҥымаш, 11-ше лицейым пужен ыштымаш, тошто пӧртла гыч калыкым кусарымаш, Ураев бульварыште пашам мучашлымаш улыт. Тиддеч посна оласе кучем уремлам волгалтарыме да транспорт дене обслуживатлыме, корным, йоча садлам, школ ден музыкальный школлам олмыктымлан оксам ойыра.
              Йошкар-Ола администрацийын фотожо.