Звениговышто у тукым книгагудо почылтын

                  Звениговышто у тукым модернизироватлыме книгагудо почылтын. Тудо шке паша корныжым 1918-ше ийыштак тӱҥалын. 1936-шо ийыште район кӱкшытан лӱмым налын. Тудлан лӱмын пӧлемым чоҥымо да оборудований дене пойдарыме. Пашам ыштыме жапыштыже районысо да оласе увер да тӱвыра рӱдерыш савырнен. Книгагудышто 6 клуб пашам ышта. Звениговысо книгагудым уэмдаш «Тӱвыра» калыкле проект кышкарыште 13 миллион теҥгем ойырымо. Тыге ойыртемалтше кумдыкым ыштыме. Тудын кажне зоныжо вашке гына тӱвыра мероприятийым, шинчымашым налме да модмо программым, брифингым, зум-конференцийым, мастер классым, кинолекторийым эртараш келыштаралтын кертеш. Книгагудышто электрон да цифран ресурс дене пайдаланаш лиеш, книгам автоматически налме йӧным ыштыме. Районысо да оласе калыкым у книгагудо дене тӱвыра министр Константин Иванов саламлен.
                  Тувыра министерствын фотожо.