У ийлан эн сылнын сӧрастарыме школ- влакым ойыреныт
![У ийлан эн сылнын сӧрастарыме школ- влакым ойыреныт](/upload/iblock/30f/2h9j5rz0lxo13r0ia36lmg0lej8d87gw.jpg)
Йошкар-Олаште У ийлан эн сылнын сӧрастарыме школ- влакым ойыреныт. Йошкар-Олан туныктыш виктемже пайрем кумылым нӧлташ 1-ше гыч 17-ше декабрь марте школлан зданийжым да кумдыкшым сӧрастараш «У ий чудо» смотр-конкусым эртарен. Школлан коллективышт кугу пашам шуктеныт да тунемме верыш йомак шӱлышым пуртеныт. Оласе туныктыш виктемын пӧлкажым вуйлатыше Татьяна Кузнецован увертарымыж почеш, вер влакым тыге радамлыме: икымше верым Василий Архипов лӱмеш Семёновкысо школ налын. Кокымшо верым 14-ше ден 31-ше школ пайленыт, кумшо вер дене 16-шо да 19-ше школ палемдалтыныт. Икымше верлан школлык мебель наборым пӧлеклат, кокымшылан компьютерым, кумшылан принтер ден шуко функциян устройствым.
Фото: Йошкар-Ола газет.
Фото: Йошкар-Ола газет.