«Мандарин дене сийле» акцийыш ушнаш ӱжыт

              «Мандарин дене сийле» акцийыш ушнаш ӱжыт. У ий вашеш иктыже пӧлекым вуча, весыже мӧҥгешла пӧлкым ышташ вашка. Шукынжо пайремым еш дене, кож воктене, ӱстел сий да пӧлек дене вашлиеш. Но коклаштына тыгай еҥ- влакат улыт, кӧн сурт-печыжат, оксажат, ешыжат уке. Нунылан теле- эн ончычак йӱштӧ да пычкемыш жап. Кызыт кажне кумылан еҥ пӧртдымӧ еҥ- влаклан полшен кертеш. Социал вияҥмаш министерстве поро кумылан еҥ- влакым «Мандарин дене сийле» акцийыш ушнаш ӱжеш. Те чайым, кофем, сакырым, шере йӧрварым, шинчалтыме саскам, вареньым, мӱйым, консервым, печеньым, фруктым, кукшо фруктым конден кертыда. Тендан полышланда кӧра Йӱдым эртарыме пӧртыштӧ улшо- влак У ий пӧлекым налын кертыт. Пӧлекым Йӱдым эртарыме пӧртыштӧ – Йошкар-Ола, Фестиваль урем, 75-ше пӧртыштӧ 8 гыч 20 шагат марте налыт. Телефонжо- 46-55-44. А пайрем жапыште 3-шо гыч 6-шо январь марте пӧлекым 12 гыч 13 шагат марте шокшо кочкышым пуымо пунктыш Яналов уремысе 10-шо пӧртыш кондаш лиеш. Акций 23-шо декабрь гыч 10-шо январь марте эрта.