Медведево посёлкышто у школым пелийлан ондак сдатлыме

                  Медведево посёлкышто у школым пелийлан ондак сдатлыме. 825 верлан келыштарыме тунемме тӧнежыште Марий Элым вуйлатыше Александр Евстифеев лийын. Школым «Туныктыш» калыкле проектын «Кызытсе школ»  регионысо проектше кышкарыште чоҥымо. Тудын тичмаш акше 530 миллион теҥгем эртен. Кызыт тушто техникым вераҥдат. Ярыт пӧлемыштыже тудым шындыме. Школышто инженер класс, проект пашалан кабинет, электрон книгагудо, лингафон кабинет лийыт. Республикым вуйлатыше тӱҥалтыш школын блокшым, физике кабинетым, актовый да спорт залым, пищеблокым ончен. Александр Евстифеев палемден: у школым пашаш колтымо дене кокымшо сменыште тунемше- влакын чотышт шагалемшаш. Объектым ончылгоч шуктымо дене саламлем. Медведевыште кум школ уло. Но кумытшат кок смене дене пашам ышта. Тиде йоча- влаклан йӧнан огыл. Проект кызытсе йодмашлан келшен толеш да туныктымо пашам сайын виктарен колташ полша.- каласен республикым вуйлатыше да чылам шушаш У ий дене саламлен,  отличный отметкым, а ача-аваштлан сай кумлым тыланен.

Прошлые выпуски