Республикыштына Россий историй обществын пӧлкажым ыштыме

                 Республикыштына Россий историй обществын пӧлкажым ыштыме. Тӱвыра министерствыште Россий историй обществын регионысо пӧлкажын учредительный заседанийже лийын. Тений ноябрьыште инициативан группа Республикысе кугыжаныш архив негызеш регионысо пӧлкам ышташ пунчалын. Российысе историй ушемын правленийжым вуйлатыше Константин Могилевский палемден: обществыш тыгай чапле республикын, Марий Элын ушнымыжо моткоч куандара. Погынышо- влак школлаште историй дене туныктымашым вияҥдаш кӱлмӧ, ВУЗ-лаште историй специальность дене верым ешарыме, историйым чын возымо нерген ойленыт. Ик ой дене марий пӧлкам вуйлатышылан кугыжаныш архивым вуйлатыше Александр Одинцовым ойырымо. Российысе историй обществым 2012-шо ийын 20-шо июньышто почмо ыле. Кызыт тудо 51 регионласе пӧлкам ушен шога.
                 Тувыра министерствын фотожо.