Кугыжаныш премийым налше- влакын лӱмышт пале лийын

                 Республикыштына сылнымут, сымыктыш, архитектура, шанче да технике аланыште Кугыжаныш премийым налше- влакын лӱмышт пале лийын. Марий Элым вуйлатыше Александр Евстифеев 2020-шо - 2021-ше ий- влаклан тиде премийым пуымо шотышто распоряжениеш кидпалыжым пыштен. Сылнымут аланыште Сергей Чавайн лӱмеш премийым прозаик Александр Петровлан «Саликан пиалже» книгажлан пуымо. Тӱссымыктыш аланыште Александр Григорьев лӱмеш премийым сӱретче Геннадий Петуховлан «Лудо» сӱретше да «Пеледыш пайрем» триптихшылан кучыктымо. Пӱтынь марий йоча хор, йоча оркестр- влакым чумырымлан Иван Палантай лӱмеш премийым хорын дирижёржо- влак Лилия Семёнова ден Оксана Нехаева, концертмейстер Лариса Юшкова, оркестрын дирижёржо- влак Александр Майков ден Николай Мантусов налыныт. «Марий мурсем» фольклор ансамбльым вуйлатыше Родион Алексеев «Илыш икте» усталык концертшылан премий дене палемдалтын. Шкетан театр гыч «Илена-йӱлена» спектакльлан Роман Алексеев, Сергей Таныгин, Артём Асмаев, Марина Воронцова. Акпарс Иванов палемдалтыныт. Тыгак Марий филармонийым чоҥымылан чоҥышо- влак, шанче пашаеҥ-шамыч, ял озанлыкыште тыршыше, транспорт, производство, связь аланыште тыршыше- влак премий дене палемдалтыныт.