Константин Иванов Марий калыкле конгрессын еҥже- влак дене вашлийын

                  Республикын тӱвыра, печать да калык- влакын пашашт шотышто министр Константин Иванов Марий калыкле конгрессын еҥже- влак дене вашлийын.Умылаш кӱлеш: ончыко пырля ошкылман. Мер организаций- влак дене пашам ыштымаш- министерствын ик ончыл пашаже. Сандене тендан шонымашдам, темлымашдам колышташ ямде улына, - каласен министр. Организацийым вуйлатыше Эдуард Иманаев пытартыш ийлаште илышыш шыҥдарыме проект- влак нерген каласкален. Мутлан, мер организаций книга- влакым луктын, тӱвыран лӱмлӧ пашаеҥже- влаклан мемориал оҥа- влакым вераҥдыме, чӱчкыдын вашлиймаш, йыргешке ӱстел- влак эртаралтыт. Шушаш ийын Марий калыкле конгресслан 20 ий темеш. Эдуард Иманаевын мутшо почеш, тиде лӱмгечылан организацийын шке сайтше лиеш. Марий йылмым шарымылан да чолга мер пашалан Константин Иванов Морко посёлкышто марий йылмым туныктышо Софья Никитиналан «Калыклан служитлымаш» медальым кучыктен.
                 Фото: Тувыра министерствын сайтше.