Полпредын полышкалышыже Алексей Симонов калыклан приёмым эртарен
Юл кундем округышто Россий Президентын полномочный представительжын полышкалышыже Алексей Симонов калыклан приёмым эртарен. Тушто Марий Эл, Киров да Пенза областьла гыч еҥ- влакын обращенийыштым ончымо. Марий Элыште илыше еҥ Россий президентын приёмныйышкыжо Советский районысо Кугунур ялысе пӧртлашке газым пурташ полшаш йодмашым колтен. Видеоприём кышкарыште полпредын полышкалышыжылан увертарыме: 2021-ше - 2025-ше ийлан газым ситарыме программе кышкарыште Кугунур, Шӱледӱр ялла, Голубой да Солнечный посёлкыла деке газпучым чоҥаш палемдыме. Тудо 590 пӧртым газ деке ушаш йӧным пуа. Тений идалык мучаш марте проект да смете документацийым ямдылыме лиеш, а 2022-шо ийыште Кугунур ял мучко изи куатан газ пучым пашаш колташ палемдыме. Алексей Симонов республикын правительствыжлан чоҥымо пашан раш жапшым палемдаш да йодшо еҥлан увертараш, а тӱҥ федерал инспекторлан тиде йодышым контрольыш налаш кӱштен.