Марий Эллан регионым социал-экономик велым вияҥдыме программе почеш 50 миллион утла теҥгем ойырымо
Марий Эллан регионым социал-экономик велым вияҥдыме программе почеш 50 миллион утла теҥгем ойырымо. Российын Правительствыже резерв фонд гыч чоҥымо материалын шергештмыжым шотыш налын, ныл регионлан 840 миллион теҥгем колтен. Оксам Марий Эл, Чечня, Курган да Ярославль область- влак налыт. Мемнан республикылан 50 миллионат 500 тӱжем теҥге логалеш. Тудым регионым социал-экономик велым вияҥдыме программе почеш пуат. ТАСС-ын ончыктымыж почеш, кодшо ий мучаш гыч элыштына кӱртньылан ак писын кушкаш тӱҥалын. Икмыняр жап гыч моло чоҥымо материалжат шергештын. Тиде йодышым виктарен колташ манын, кеҥеж мучашыште Российын правительствыже чоҥымо материалын шергештмыжым компенсироватлаш манын, чоҥымо, пужен ыштыме да капитально олмыктымо шотышто кугыжаныш контрактын акшым 30 процент нарылан кугемдаш разрешенийым пуэн.