Пеҥгыде режиман исправительный колонийыште у пашам шукташ тӱҥалыныт

              Марий Элысе 6-шо номеран пеҥгыде режиман исправительный колонийыште у пашам шукташ тӱҥалыныт. Тӧнежын цехыштыже кӱртньӧ омсам ыштат. Сварке гыч тӱҥалын ямде сатум упаковатлыме марте чыла шке шуктат. Тений сентябрьыште тӧнежым вуйлатышылан ик коммерций организаций вашкыл шотшто темлымашым ыштен. Кӱлеш расчётым ыштен, ак нерген кутырен келшымеке ойпидышым пеҥгыдемдыме. Заказчик сырьем, комплектующийым, фурнитурым конда, а режиман тӧнеж шке кумдыкшым, оборудованийым да квалификациян пашазе- влакым ситара. Тыге икымше 50 омсам ямдылыме. Заказчиклан тудо келшен. Кызыт омсам ыштыше участке тылзеш 500 наре омсам ямдыла, шукыракат кертеш, тидлан куатше сита. У пашам почмаш, петырымаште улшо- влаклан куд пашаверым муаш полшен, ноябрьысе пашадарышт кок пачашат пеле гана кугурак лектын. 6-шо номеран ИК металлобработко дене шукертсек пашам ышта, у оборудованийым налеш. Кызыт пушеҥгым обрабатыватлыше фрезер станокым пашаште тергат. Тудын полшымо дене ойыртемалтше сувенир сатум лукташ шонат.
             Андрей Канатеевын фотожо.