Республикыштына «Земский доктор» да «Земский фельдшер» программе почеш 34 еҥым пашаш пуртымо

                Республикыштына «Земский доктор» да «Земский фельдшер» программе почеш 34 еҥым пашаш пуртымо. Тений нине программым 100 процентлан шуктымо. Тазалыкаралтыш министерствын ончыктымж почеш ойпидышым 28 врач да 6 кыдалаш медицина пашаеҥ дене ыштыме. Тыге Семёновкысо врач амбулаторийыш ик врач, Волжский эмлыме верыш кокыт, Звениговыш нылыт, Килемар, Куженер, У Торъялыш- икте гыч, Медведевыш 12 врач да кыдалаш ныл специалист, Моркыш ик медицина пашаеҥ, Шернурыш ныл врач да ик медцина пашеҥ, Советскийыш кок врач пашаш толын. «Земский врач» ден «Земский фельдшер» программылам шыҥдарыме жапыште 2012-шо ий гыч 2021-ше ий марте республикыштына 185 медицина пашаеҥ дене ойпидышым кылдыме. Тушечын 158-ыже- врач, 27-ше медицина пашаеҥ улыт. 2016-шо ий гыч яллашке 21 врач да 27 кыдалаш специалист пашаш каеныт.