Чодыра тулым йӧртымаште тыршыше доброволец- влаклан наградым кучыктат

                Республикыштына кеҥежым чодыра тулым йӧртымаште тыршыше тӱжемат 300 доброволецлан наградым кучыктат. Тиде торжественный мероприятий декабрьыште пӱртӱс поянлык министерствыште эрта. Волонтёр- влак тауштымашан серышым да оҥеш пижыктыме «Доброволец 2021» палым налыт. Наградым 8-ше декабрьыште пуаш тӱҥалме да 17-ше декабрь марте шуйна. Ушештарена: тений августышто республикысе калык марий чодырам тул деч арален кодаш тавадаҥ шогалын ыле да ведомствылан специалистыштлан тулым йӧртымаште кугу полышым пуэныт.
            Фото: Марийская правда.